ВАҚТЕ КИ МУТАХАССИС БАҲО МЕДИҲАД

                    Душанбе, 11 феврал (АМИТ «Ховар», Лаззат Диловарзод).- Бино ба гуфти собиқ сардори шӯъбаи сиёсии Вазорати умури дохила генерал-майори милиса Абдулло Ҳабибов, таъини вазири нави умури дохила генерал-летинант Абдураҳим Қаҳҳоров, оғози муборизаи беамон алайҳи фасоду ришвахӯрӣ ва шикасти камари коррупсия дар кишвар мебошад.                   Ба ақидаи ҳамкасби собиқ Абдулло Ҳабибов, агар ба вазири тозаинтихоб имкони мустақилона пиёда сохтани тагйироти кадрӣ дода шавад, сафҳои милитсия аз одамони тасодуфӣ тоза шуда, Вазорат дар кори оромии вазъи кишвар ва мубориза ба ҳамагуна зуҳуроти номатлуб ва иҷрои ҳамагуна вазифаю ваколатҳои бар ӯҳда доштааш бо сарбаландӣ мебарояд. Коршиносон ва кормандони соҳаи ҳуқуқ низ бар ҳамин назаранд, ки фаъолияти вазорати мазкур билкулл тағйир хоҳад ёфт. Ҳар гунна тағйирот, ки боиси оромии ҷомеа бошад, онро нафақат коршиносон, балки тамоми мардум ҷонибдор ва дасгирӣ хоҳанд кард.