БАРРАСИИ ПРОБЛЕМАҲОИ АФҒОНИСТОН

                      Маскав, 6 март (АМИТ «Ховар», Ҳалима Хушқадамова). — Муншии умумии Созмони аҳдномаи амнияти дастаҷамъӣ Николай Бордюжа ва сафири кабири Ҷумҳурии Фаронса дар Русия Жан де Глиниасти дар Маскав масъалаи ҳамкории СААД — ро бо Иттиҳоди Аврупо ва Созмони ҳамкории Шанхай барои расондани кӯмак ба Афғонистон ва ҳалли проблемаҳои ин мамлакат мавриди баррасӣ қарор доданд. Инчунин, дар масъалаи ҳамлу нақли транзитии молҳои тиҷоратии ИМА ва НАТО ба Афғонистон тавассути қаламрави давлатҳои аъзои СААД табодули назар карда шуд.                      Н.Бордюжа бо хоҳиши сафири Фаронса дар бораи ташкили Қувваҳои вокуниши таъҷилӣ дар СААД ва натиҷаҳои амалиёти зидди маводи нашъадори «Канал» маълумот дод, ки таҳти васояти созмон шаш сол боз гузаронида мешавад. Қайд карда шуд, ки дар амалиёти мазкур ғайр аз 7 давлати аъзои созмон, инчунин, зиёда аз 20 мамлакат, аз ҷумла, Чину Ҳиндустон, Покистон, ИМА, Лаҳистон, мамлакатҳои соҳили Балтика ва ғайра ширкат меварзанд.