ДУЗДОН ХОНАИ СОКИНИ ЧКАЛОВСКРО ҒОРАТ КАРДАНД

                     Душанбе, 18 март. (АМИТ «Ховар», Наталя Михайлова). — Дар шаҳри Чкаловск ҳодисаи нави дуздии маблағи калони пул ба қайд гирифта шуд. Шахсони номаълум ба хонаи сокини шаҳр М.Раҳмоноваи 46 — сола даромада, аз он ҷо 44 ҳазору 200 доллари ИМА -ро ба яғмо бурданд. Дар ҷараёни тафтиш муқаррар карда шуд, дуздон 4 нафар сокини шаҳри Чкаловск буда, ду нафари онҳо шахсони ноболиғ мебошанд.                     Кормандони милиса вобаста ба ин воқеа ду шахси гумонбар — Ш.Абдуғаффорови 26 — сола ва Мӯъмин ном шахсро дастгир карданд. Як қисми маблағи дуздидаи онҳо баргардонда шуд. Ду нафари дигари гумонбар ҷустуҷӯ карда мешавад.                     Аз дафтари матбуоти ВКД ҷумҳурӣ ба АМИТ «Ховар» хабар доданд, ки вобаста ба ин воқеа парвандаи ҷиноӣ кушода шуд ва тафтиши он давом дорад.