КОРҲО ДАР АМАЛӢ ШУДАНИ ЛОИҲА ДАВОМ ДОРАНД

                       Душанбе, 13 март. (АМИТ «Ховар», Лаззат Диловарзод).-Бино ба маълумоти корхонаи фаръии давлатии байниноҳиявии обу канализатсияи шаҳри Қурғонтеппа, барои амалӣ намудани иҷрои лоиҳаи рушди инфраструктураи маҳаллӣ (коммуналӣ) дар Ҷумҳурии Тоҷикистон барои соли 2008 — 2009 барои корҳои барқарорсозии системаи обтаъминкунии шаҳри Қурғонтеппа 2958,1 ҳазор сомонӣ пешбинӣ гардидааст.                       Тибқи маълумоти ҳамин манбаъ, то 1-уми феврали соли 2009 ба маблағи 1182, 9 ҳазор сомонӣ корҳо анҷом дода шудааст. Аз ҷумла, ду чоҳи обанбори Р-3 ва як чоҳи обанбори Р-1 тоза карда шуда, сохтмони иншооти иловагии болои чоҳҳо дар арафаи анҷомёбист. Дар кӯчаи Ваҳдат кандани хандақҳо ба анҷом расонида шуда, ба дарозии 570 метр қубурҳои полиэтилинӣ d-450 мм васл карда шуданд.                     Дар истгоҳи -(стансия)-и насосии обанбори Р-2 дар хандақҳо васл кардани 900 метр қубурҳои оҳании d-800 мм оғоз гардид.