МУЛОҚОТ БО НАМОЯНДАГОНИ ЧИН

                         Душанбе, 19 март. (АМИТ «Ховар», Мавзуна Бойева). -Дар Вазорати нақлиёт ва коммуникатсия ҶТ мулоқоти мутахассисони вазорат бо намояндагони Ҷумҳурии Мардумии Чин баргузор гардид, ки дар он масъалаи ҳамкориҳои дуҷониба дар соҳаи ҳамлу нақли байналмилалии автомобилӣ муҳокима гардид.                        Ҷонибҳо оид ба рушди муносибатҳои савдо ва иқтисод, мубодилаи «Варақаи иҷозатӣ» барои соли 2009, оид ба даровардани тағироту иловаҳо ба барномаи лоиҳаи регламенти Созишномаи байналхалқии ҳамлу нақли байналхалқӣ дар ду кишвар табодули назар карданд.                        Ҳамчунин, дар ҷаласа масъалаҳои имкони ҳамроҳ гардидани Чин ба хатсайри ҳамлу нақли транзитии байни ҷумҳуриҳои Эрон, Афғонистон, Тоҷикистон ва Қирғизистон, танзими кор дар гузаргоҳи сарҳадии Қулма — Қаросу мавриди баррасӣ қарор гирифтанд.                       Оид ба масъалаҳои муҳокимагардида аз тарафи ҷонибҳо андешаҳои судманд пешниҳод шуда, ҳарду тараф ба хулоса омаданд, ки мулоқоти навбатӣ дар Ҷумҳурии Мардумии Чин баргузор гардад.                       Дар анҷоми ҷаласа муовини вазири нақлиёт ва коммуникатсияи Ҷумҳурии Тоҷикистон Худоёр Худоёров ва муовини сардори Идораи ҳамлу нақли Ҷумҳурии Мухтори Синзеяни Уйғури Чин Жен Сзун Син протоколи мулоқотро ба имзо расониданд.