МУЛОҚОТИ ВКД БО НАМОЯНДАГОНИ ХАДАМОТИ ФЕДЕРАЛИИ МУҲОҶИРАТИ РУСИЯ

               Душанбе, 13 март (АМИТ «Ховар», Темур Бандишоев). — Вазири корҳои дохилии ҷумҳурӣ Абдураҳим Қаҳҳоров имрӯз бо намояндагони Хадамоти федералии муҳоҷирати Русия, муовини директори Хадамоти федералии муҳоҷират А.Кузнецов ва сардори раёсати равобити берунии хадамоти мазкур С.Степанов мулоқот кард, ки барои боздиди корӣ ба Тоҷикистон омадаанд.               Аз дафтари матбуоти ВКД ба АМИТ «Ховар» хабар доданд, ки дар ҷараёни мулоқот силсилаи масъалаҳои ҳамкории дуҷониба дар соҳаи муҳоҷирати меҳнатӣ баррасӣ карда шуд. Анатолий Кузнецов зикр намуд, ки масъалаи муҳоҷирати меҳнатӣ дар шароити имрӯза аз ҷумлаи масъалаҳои муҳимтарин ба шумор меравад.               Мусоҳибон нақшаҳои ояндаи ҳамкориро дар бобати муташаккилона фиристодани коргарони муҳоҷир ба Русия ва сари вақт гирифтани маълумот дар бораи тағйироту иловаҳои ба қонунҳои дахлдори Русия воридгардидаро муҳокима намуданд.                                                                                                                                                                       Тарҷумон — Қудратов А.