САФАРИ С. ЛАВРОВ БА АФҒОНИСТОН
Кобул, 16 март. (АМИТ «Ховар», ТРЕНД). — Вазири корҳои хориҷии Русия Сергей Лавров имрӯз барои боздиди корӣ ба Давлати Исломи Афғонистон рафт. Барномаи сафари ӯ мулоқотҳоро бо Президент Ҳамид Карзай, вазири корҳои хориҷӣ Рангин Додфар Спанта ва аъзои парлумони мамлакат дар бар мегирад. Дар ҷараёни мулоқотҳо масъалаҳои равнақу ривоҷи ҳамкорӣ, вазъияти Афғонистон ва пешгирии таҳдиди паҳн гардидани терроризм, маводи нашъадор ва ҷинояткории минтақавӣ аз ин мамлакат баррасӣ карда мешаванд. Дар ҷараёни мулоқотҳо роҷеъ ба проблемаҳои байналхалқию минтақавӣ низ табодули назар карда хоҳад шуд. С.Лавров бо роҳбарони Афғонистон масъалаҳои тайёриро бахшида ба Конфронси махсуси СҲШ бахшида ба Афғонистон баррасӣ менамояд. Конфронси мазкур 27 март дар Маскав кушода хоҳад шуд. Хабар дода мешавад, ки дар ҷараёни мулоқотҳо масъалаҳои иштироки Русия дар сохтмони корхонаҳои саноатии Афғонистон ва расондани кӯмакҳои башардӯстонаи он ба ин мамлакати ҷангзада баррасӣ карда мешаванд. С.Лавров бори охирин моҳи феврали соли 2007 ба Афғонистон сафар карда буд.
Имрӯз дар шаҳри Душанбе ҳаво то 39 дараҷа гарм мешавад
Имрӯз дар водиҳои Тоҷикистон ҳаво то 40 дараҷа гарм мешавад
Дар 130 муассисаи таълимии ноҳияи Рӯдакӣ беш аз 10 ҳазор наврасон ба истироҳат фаро гирифта шудаанд
Имрӯз дар ноҳияҳои алоҳидаи Тоҷикистон чангу ғубор ба амал меояд
Дар Душанбе ҳамоиши сиёсӣ-фарҳангӣ таҳти унвони «Пешвои миллат — меъмори Ваҳдат» доир гардид
МЕГАФОН ТОҶИКИСТОН: Дар Санкт –Петербург Созишнома оид ба ҳамкории оператор бо таҳиягари пешбари Русия — Ivideon имзо гардид
Конфронси илмӣ-адабии «Душанбе — корзори ваҳдатофарӣ ва боргоҳи Ваҳдати миллӣ» баргузор шуд
Дар Вилояти Мухтори Кӯҳистони Бадахшон 9 иншооти саноатӣ ба истифода дода мешавад
Дар Бохтар вобаста ба пешгирии ғарқшавии ноболиғону ҷавонон ҳангоми оббозӣ вохӯрии иттилоотӣ доир шуд
Модарони ваҳдатсаро дар ноҳияҳои Исмоили Сомонӣ, Фирдавсӣ, Сино ва Шоҳмансури пойтахт бо сокинон вохӯрӣ мегузаронанд
АЗ БАРАКАТИ ВАҲДАТИ МИЛЛӢ. Дар ин муддат соҳаи саноат ва кӯҳкорӣ ба як бахши муҳими иқтисоди миллӣ табдил ёфт
