ҲАМКОРИҲОИ СУДМАНД
Душанбе, 21 апрел. (АМИТ «Ховар», Қудратов А.). — Имрӯз вохӯрии раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон ва ҳамзамон ноиби Президенти Кумитаи миллии Олимпии Тоҷикистон Маликшо Неъматов бо сафири Ҷумҳурии Куриё дар ҶТ ҷаноби Ким Хонг Су баргузор гардид. Дар рафти вохӯрӣ масъалаҳои ҳамкориҳои дуҷонибаи Тоҷикистон ва Куриё мавриди баррасӣ қарор гирифтанд. Ҳамчунин оид ба ҳамкориҳои минбаъда дар рушди таэквандо дар ҷумҳурӣ, ки асосгузораш ҷумҳурии Куриё мебошад, сухан рафт. Қайд гардид, ки варзишгарони тоҷик дар ин намуди варзиш солҳои охир ба беҳтарин дастовардҳо ноил шуданд. Аз ин сабаб ҷониби Куриё дар самти рушди ин соҳа дар Тоҷикистон дар таъмини лавозимоти варзишӣ мусоидат хоҳад кард. Дар охири мулоқот ҷониби Куриё омодагӣ изҳор намуд, ки Созишномаи ҳамкорӣ байни Тоҷикистон ва Куриё дар соҳаи тарбияи ҷисмонӣ ва варзиш ба имзо расонида шавад. Дар ин бора ба АМИТ «Ховар» аз Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон хабар дода шуд.
Имрӯз дар водиҳои Тоҷикистон ҳаво то 40 дараҷа гарм мешавад
Дар 130 муассисаи таълимии ноҳияи Рӯдакӣ беш аз 10 ҳазор наврасон ба истироҳат фаро гирифта шудаанд
Имрӯз дар ноҳияҳои алоҳидаи Тоҷикистон чангу ғубор ба амал меояд
Дар Душанбе ҳамоиши сиёсӣ-фарҳангӣ таҳти унвони «Пешвои миллат — меъмори Ваҳдат» доир гардид
МЕГАФОН ТОҶИКИСТОН: Дар Санкт –Петербург Созишнома оид ба ҳамкории оператор бо таҳиягари пешбари Русия — Ivideon имзо гардид
Конфронси илмӣ-адабии «Душанбе — корзори ваҳдатофарӣ ва боргоҳи Ваҳдати миллӣ» баргузор шуд
Дар Вилояти Мухтори Кӯҳистони Бадахшон 9 иншооти саноатӣ ба истифода дода мешавад
Дар Бохтар вобаста ба пешгирии ғарқшавии ноболиғону ҷавонон ҳангоми оббозӣ вохӯрии иттилоотӣ доир шуд
Модарони ваҳдатсаро дар ноҳияҳои Исмоили Сомонӣ, Фирдавсӣ, Сино ва Шоҳмансури пойтахт бо сокинон вохӯрӣ мегузаронанд
АЗ БАРАКАТИ ВАҲДАТИ МИЛЛӢ. Дар ин муддат соҳаи саноат ва кӯҳкорӣ ба як бахши муҳими иқтисоди миллӣ табдил ёфт
«ХИЗМАТ БА ВАТАН ШАРАФ АСТ!». Дар ноҳияи Нуробод ҳамоиши хизматчиёни ҳарбӣ баргузор мешавад
