ДАР СЕ МОҲ 50 ҲАЗОР НАФАР БА МУҲОҶИРАТИ МЕҲНАТӢ РАФТАНД

                Душанбе, 4 апрел. (АМИТ «Ховар», Лаззат Диловарзод).- Тибқи иттилои Хадамоти муҳоҷирати дар вилояти Суғд будаи Вазорати умури дохилаи ҷумҳурӣ, аз 1- уми январ то 20 -уми марти соли ҷорӣ 50 ҳазору 473 нафар сокинони ин вилоят чун муҳоҷирони меҳнатӣ ба хориҷи кишвар сафар карданд, ки нисбат ба ҳамин давраи соли гузашта 6 ҳазор камтар аст.              Бино ба маълумоти ҳамин манбаъ, аз аввали сол то 20 -уми март аз Федератсияи Россия тобути 16 нафар сокинони ин вилоят, ки бар асари ҳодисаҳои гуногун ҷони худро аз даст додаанд, интиқол дода шудааст.              Соли 2008 бошад, аз Федератсияи Россия танҳо ба вилояти Суғд тобути 265 нафар муҳоҷирони меҳнатӣ оварда шудааст, ки 57 нафарашон ба қатл расонида шудаанд.