РӮЗҲОИ ФАРҲАНГИ ТОҶИКИСТОН ДАР ТУРКМАНИСТОН БАРГУЗОР НАМЕГАРДАНД

                Душанбе, 23 апрел. (АМИТ «Ховар», Лутфия Эшонқулова). — Вазири фарҳанги Ҷумҳурии Тоҷикистон Мирзошоҳрух Асрорӣ зимни сӯҳбат бо хабарнигорон изҳор намуд, ки Рӯзҳои фарҳанги Эрону Ҳиндустон дар Тоҷикистон ва Рӯзҳои фарҳанги Тоҷикистон дар Украина, Арманистон ва Туркманистон вобаста ба бӯҳрони ҷаҳонии молиявӣ баргузор намегарданд.                 Ба қавли вазир, вобаста ба бӯҳрони ҷаҳонии молиявӣ 15 маъракаи калони фарҳангӣ гузаронида намешавад. Аз ҷумла, ҷашни 80 — солагии Театри давлатии академии драммавии ба номи Лоҳутӣ, иштироки Тоҷикистон дар намоишгоҳҳои байналхалқии Маскав ва Ашқобод бекор карда шуданд. Танҳо нақшаи гузаронидани Озмуни байналхалқии телевизионии овозхонони ҷавон «Панҷ ситораи интервизион» дар Душанбе бетағйир мондааст, гуфт вазир.