ШАРИКИ НАВИ ҲАМКОРИҲОИ ИҚТИСОДӢ

                Душанбе, 4 апрел. (АМИТ «Ховар», Лаззат Диловарзод).- Сокинони Ҷумҳурии Тоҷикистон пайдо кардани шарики нави ҳамкориҳои иқтисодиро дар симои Муғулистон хуб истиқбол намуданд.Мардум аз имзои панҷ ҳуҷҷати муҳиме, ки дар натиҷаи сафари расмии Президенти Ҷумҳурии Тоҷикистон дар шаҳри Улан — Батор бо роҳбарони ин кишвар ба имзо расидааст, дар оянда ҳамкориҳои хуби иқтисодиро интизоранд.                «Дар ин гуфтушунид масъалаи ҳамкориҳои дуҷониба миёни ин ду кишвар дар соҳаи нақлиёт, коммуникатсия, энергетика, чорводорӣ, истеҳсоли гӯшт, шир, коркарди пӯсту пашм сухан рафт, ки барои имрӯзу фардои Тоҷикистон хеле муҳим аст»,- иброз дошт узви Маҷлиси намояндагони Маҷлиси Олӣ Юсуфҷон Ахмедов.