АЗ ДОХИЛИ «JEEP» ГЕРОИН ЁФТ ШУД

                    Душанбе, 8 май. (АМИТ «Ховар», Анварбек Сиддиқов). — Кормандони шӯъбаи мубориза бар зидди гардиши ғайриқонунии маводи нашаъовари РКД-и вилояти Суғд дар натиҷаи гузаронидани амалиёти фаврӣ- ҷустуҷӯӣ дар шаҳри Истаравшан автомашинаи тамғаи «Jeep- Musso»-ро, ки сокини ҳамин шаҳр Баҳодур Ёқубов идора мекард, боздошт карданд. Ҳангоми азназаргузаронии автомашина аз таги курсии он 945 гр героин ёфт ва мусодира карда шуд. Тавре аз ВКД-и ҷумҳурӣ ба АМИТ «Ховар» хабар доданд, нисбати Б. Ёқубов парвандаи ҷиноӣ оғоз карда, тафтишот идома дорад.