БОНКИ ҶАҲОНӢ АЗ ТОҶИКИСТОН ПУШТИБОНӢ МЕКУНАД

                       Душанбе, 18 май. (АМИТ «Ховар», Лаззат Диловарзод).- Раиси минтақаи Бонки ҷаҳонӣ Моту Конишӣ ба хабарнигорони дохилу хориҷи кишвар иброз дошт, ки бонки мазкур ҳамаи лоиҳаҳои Ҷумҳурии Тоҷикистонро дар мавриди рафъи бӯҳрони ҷаҳонии молиявӣ дастгирӣ мекунад. Барои лоиҳаҳои дигари ҷумҳурӣ дар соҳаи кишоварзӣ кӯмакҳои дигареро ироа мекунад. Аммо кӯмакҳои молиявӣ он вақт роҳандозӣ мешаванд, ки агар дар давоми 18 моҳ қарзҳои дар соҳаи пахтакорӣ пурра ба бонкҳо баргардонида шаванд ва Ҷумҳурии Тоҷикистон дар бораи бозпасгардонии кӯмакҳои молиявӣ кафолат диҳад.                    Вазирони рушди иқтисод ва савдо ва молияи ҷумҳурӣ вазъи бӯҳрони молиявии Тоҷикистонро аз кам шудани интиқоли маблағҳои муҳоҷирони меҳнатӣ ба ҷумҳурӣ, поён рафтани нархи пахта ва алюминӣ дар бозори чаҳонӣ арзёбӣ намуданд.