БОЗ ЯК ДОКТОРИ ИЛМ

                       Душанбе, 7 май (АМИТ «Ховар», Самад Юсуфӣ).-Дар Шӯрои дифои рисолаҳои доктории Донишгоҳи Миллии Тоҷикистон мудири кафедраи забони тоҷикии Донишгоҳи Славянии  Тоҷикистону Россия Давронов Абдувалӣ Усмонович дар мавзӯи «Пайвандҳои адабии тоҷику арман дар давраи нав» рисолаи докторӣ дифоъ намуд.                      Рисола аз тарафи муқарризони расмӣ доктори илми филология, профессор Қурбон Восеъ, доктори илми филология, профессори Донишгоҳи давлатии Хуҷанд ба номи академик Б.Ғафуров Замира Ғафорова, доктори илми филология Шораҳмон Раҳмонов ва муқарризони ғайрирасмӣ профессорон М. Бобохонов , О.Хуҷамуродов, дотсентон М.Қаҳҳоров ва М.Зайниддинов баҳои баланд гирифт. Раиси Шӯрои дифоъ, аъзо корреспонденти Академияи илмҳои Тоҷикистон, доктори фанҳои филологӣ, профессор Мукаррама Қосимова, мушовири илмӣ, профессор Худоӣ Шарифов Абдувалӣ Давроновро барои бомуваффақият ҳимоя намудани рисолаи докторӣ табрик намуданд.