ИНШООТИ ҶАШНӢ НУҚСОНДОР СОХТА ШУДАНД

                        Душанбе, 29 май. (АМИТ «Ховар», Лаззат Диловарзод).- Вобаста ба ҷашни 2700 — солагии шаҳри бостонии Кӯлоб беш аз 150 иншооти хурду бузург сохта шуд. Аммо чунон ки мушоҳида гардид, даҳҳо биноҳои ҷашнӣ саросемавор ва бо нуқсҳои зиёд сохта ба истифода дода шуданд. Бо гузашти на чандон вақти зиёд ин камбудиҳо ошкор гардиданд.                        Бино ба гуфти директори Осорхонаи шаҳр Ҳотам Асозода, бинои Осорхона бо харҷи 5 млн. сомонӣ сохта ба истифода дода шудааст, аммо чунон ки маълум шуд камбудиҳои сохтмонӣ зиёд буда, барои бартараф кардани он соли ҷорӣ боз 2 млн. сомонӣ ҷудо карда шудааст.                        -Дар бораи камбудиҳо ба директори Маркази ҳамоҳангсозии Лоиҳа Раҳмоналӣ Ҳотамов аз тарафи директории Осорхона ду мактуби шикоятӣ ирсол гардидааст, ки бояд ислоҳи худро пайдо кунад.