МӮЪТАБАР ИБРОҲИМОВА ДАРГУЗАШТ

                        Хуҷанд, 22 май. (АМИТ «Ховар», Самад Юсуфӣ).- Дар даромадгоҳи театри ба номи К.Хуҷандӣ маросими пешаздафнии Ҳунарпешаи халқии Чумҳурии Тоҷикистон Муътабар Иброҳимова баргузор гардид. Аз пагоҳӣ бо ин ҳунарпешаи номдори саҳнаи тоҷик мухлисон, хешону пайвандон ва одамони зиёд падруд гуфтанд.                        Баъд митинги мотам оғоз гардид. Раиси шаҳри Хуҷанд Содиқ Темурбоевич Мирхолиқов сухани ифтитохӣ намуд. Муовини аввали раиси вилоят Шакарбек Самадов, Арбоби Шоистаи ҳунар Ислом Саломов суханронӣ намуда, ба аҳли хонавода ва хешу пайвандони марҳум сабри ҷамил орзу намуданд. Баъд фарзанди марҳума Обидҷон Назаров ба сухан баромада ба ҳозирин миннатдори баён намуд. М.Иброҳимова дар тули 79 соли умри бобаракаташ корҳои бузургеро анҷом дода дар саҳнаи театри тоҷик саҳми босазое боқӣ гузоштааст. Спектаклҳои «Исёни арусон», «Модар нигарон буд», «Лайли ва Маҷнун» беҳтарин маҳсули меҳнати ӯ мебошад. М.Иброҳимова бо ордени «Шараф» сарфароз гардонида шудааст.