МУҲОКИМАИ МАСЪАЛАҲОИ ПАҲН ГАРДИДАНИ БЕМОРИИ ХАВФНОК ДАР ЖЕНЕВА
Женева, 19 май. (АМИТ «Ховар» — ИТАР — ТАСС ). — Дар Женева иҷлосияи 62 — юми Созмони ҷаҳонии тандурусӣ баргузор гардид. Дар он асосан проблемаҳои мубориза ба муқобили навъи нави бемории грипп — зукоми хук муҳокима карда шуданд. Директори генералии созмон Маргарет Чэн изҳор намуд, ки мо бояд ба хавфи паҳншавии ин беморӣ дар саросари ҷаҳон дуруст сарфаҳм рафта, дар баробари ин зарурати таъмини аҳолии ҳамаи мамлакатҳои ҷаҳонро бо доруҳои муқобили гриппи муқаррарӣ фаромӯш накунем. Муовини директори генералии Созмони ҷаҳонии тандурустӣ Кейҷи Фукуда қабл аз оғози иҷлосия зикр намуд, ки то рӯзҳои охир дар 40 мамлакати ҷаҳон 8829 нафар ба бемории зукоми хук гирифтор шудааст. Мутахассисони соҳаи тандурустӣ 29 апрел ба ин беморӣ хавфи дараҷаи панҷумро мувофиқ донистанд. Ин чунин маъно дорад, ки хавфи паҳншавии беморӣ дар саросари ҷаҳон ба миён омадааст. Рӯзҳои охир дар бораи гирифтор шудани одамон ба ин беморӣ дар Ҷопон хабарҳо мерасанд. Вазири тандурустии Британияи Кабир Алан Ҷонсон иштирокчиёни иҷлосияро даъват кард, ки дар масъалаи додани дараҷаи шашум ба ин беморӣ шитобкорӣ накунанд. Ба ақидаи ӯ, ин иқдом ҷомеаи ҷаҳонро ба тарсу ваҳм андохта метавонад. Мавқеи вазири Британияро дар ин масъала вазирони тандурустии Зеландияи Нав ва Швейтсария ҷонибдорӣ намуданд. Вазири тандурустии Мексика Хосе Анхел Кордова қабл аз кушодашавии иҷлосия бо директори генералии Созмони ҷаҳонии тандурустӣ мулоқот кард. Вай хабар дод, ки Мексика ба Созмони ҷаҳонии тандурустӣ дар бораи хусусиятҳои микроби бемории нав маълумоти зарурии илмӣ пешниҳод кардааст. Ин барои сохтани дору барои табобати беморӣ кӯмаки калон мерасонад, гуфт Кордова. Дар иҷлосияи Созмони ҷаҳонии тандурустӣ намояндагони ҳамаи 193 мамлакати аъзои созмон иштирок доранд.
Бахшида ба 32-солагии Қувваҳои ҳарбӣ-ҳавоӣ ва мудофиаи зиддиҳавоӣ ҳамоиш доир шуд
Имрӯз дар шаҳри Душанбе ҳаво то 37 дараҷа гарм мешавад
Омодагӣ ба соли нави хониш дар ҷаласаи Кумита оид ба таҳсилоти ибтидоӣ ва миёнаи касбӣ баррасӣ шуд
Масъалаи ташкили ковишҳои бостоншиносӣ дар мавзеи «Дараи Алмосӣ» баррасӣ гардид
Имрӯз дар ноҳияҳои алоҳидаи кӯҳӣ борони кӯтоҳмуддат меборад
Дар Хуҷанд барои пешгирии бемориҳои сироятӣ вохӯрӣ доир гардид
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
