МУЛОҚОТИ ПРЕЗИДЕНТИ ХОРВАТИЯ БО САРВАЗИРИ ТОҶИКИСТОН

                              Душанбе, 24 май. (АМИТ «Ховар», Пайрав Назаров, Фарангис Раҳимова). — Президенти Ҷумҳурии Хорватия Степан Месич имрӯз бо Сарвазири Ҷумҳурии Тоҷикистон Оқил Оқилов мулоқот кард.                               Оқил Оқилов ба мусоҳибаш пешниҳод намуд, ки Хорватия бо Тоҷикистон дар соҳаҳои истихроҷу коркарди гази табиӣ, маъдан, туризм ва гидроэнергетика ҳамкорӣ кунад.                                Роҳбари Хорватия пешниҳодоти Сарвазири Тоҷикистонро пазируфта, зикр кард, ки мамлакаташ бо Тоҷикистон дар бунёди соҳаҳои ёрирасони туризм ва сохтмони корхонаҳои муштараки коркарди сабзавот ҳамкорӣ хоҳад кард.                                    Сафари Президенти Хорватия Степан Месич дар Тоҷикистон давом дорад.