МУЛОҚОТИ ВАЗИРОНИ ФАРҲАНГИ ДАВЛАТҲОИ АЪЗОИ СҲШ ДАР ҚАЗОН

                      Душанбе, 4 май. (АМИТ «Ховар», Лутфия Эшонқулова). — Машварати навбатии шашуми вазирони фарҳанги давлатҳои аъзои Созмони ҳамкории Шанхай дар шаҳри Қазон баргузор гардид. Дар он вазири фарҳанги Тоҷикистон Мирзошоҳрух Асрорӣ иштирок дошт.               Иштирокчиёни машварат дар мавзӯи «Анъанаҳои фарҳанги миллӣ ва ҷавонон» табодули назар намуданд. Ҳамчунин вазъияти имрӯза ва нақшаҳои ояндаи ҳамкорӣ дар соҳаи фарҳанг муҳокима шуданд.             Зимни машварат таъкид шуд, ки дар доираи маҷлиси навбатии Шӯрои сарони давлатҳои аъзои СҲШ дар шаҳри Екатеринбург рӯзҳои 15 ва 16 июни соли равон баргузор сохтани ҷашнвораи панҷуми ҳунари мамлакатҳои аъзои СҲШ пешбинӣ карда мешавад.             Иштирокчиёни машварат бо Президенти Ҷумҳурии Тотористон Минтемир Шаймиев мулоқот карда, дар тадбирҳои идонаи бахшида ба 123 — солагии шоири бузурги тотор Абдулло Тӯқай ширкат варзиданд