САДАМА ДАР РОҲИ ВАҲДАТ

                     Душанбе, 13 май. (АМИТ «Ховар», Жасмин Назарова). — Тавре аз дафтари матбуоти БДА Ҷумҳурии Тоҷикистон иттилоъ доданд, ронандаи автомашинаи тамғаи «Opel-Vektra» Нуралӣ Қурбонов, ҳангоми ҳаракат аз тарафи шаҳри Душанбе ба самти шаҳри Ваҳдат дар километри 19, шоҳроҳи Душанбе-Ваҳдат ба автомашинаи тамғаи «Opel-Astra» таҳти идораи ронанда Дилшод Қосимов бар мехӯрад. Дар натиҷа худи ронандагони автомашинаҳо ва 5 нафар мусофирони онҳо ҷароҳати ҷисмонӣ бардошта дар беморхонаи шаҳри Ваҳдат бистарӣ мегарданд.                     Аз дафтари матбуоти БДА инчунин иттилоъ доданд, ки 6 майи соли ҷорӣ тахминан соати 17 ронандаи автомашинаи тамғаи «Opel-Vektra» Сафаралӣ Алиназаров ҳангоми ҳаракат аз тарафи ноҳияи Ҷ. Румӣ ба самти ноҳияи Вахш дар наздикии деҳоти Оққурғон, велосипедрони ноболиғ Муродалӣ Назаров, соли таваллудаш 1995, хонандаи синфи 6 — ро зада аз пой меафтонад. Дар натиҷа пиёдагарди ноболиғ зарари вазнини ҷисмонӣ бардошта дар ҷои ҳодиса ба ҳалокат мерасад.