ШАҲРДОРӢ ҲАМ ЧАРОҒОНКУНИРО ДАСТУР ДОД

                       Душанбе, 26 май. (АМИТ «Ховар», Лаззат Диловарзод).- Ба ҳамаи сохторҳои шаҳрӣ супориш дода шудааст, ки то 1-уми моҳи июн ба фурӯзонакҳои каммасраф гузаранд,-иброз дошт дар ҷаласаи корӣ раиси шаҳри Душанбе Маҳмадсаид Убайдуллоев , -гуфт котиби матбуотии раиси шаҳр Шавкат Саидов.                       Ҳамчунин барои сохторҳои ноҳиявӣ ин мӯҳлат як моҳ тамдид карда шуда то 1-уми июл вақти иловагӣ дода шудааст.                        Умуман дар шаҳри Душанбе мӯҳлати пурраи ба фурӯзонакҳо гузаштан то 1-уми август муқаррар карда шудааст.                         Ин супориш дар сурате дода шудааст, ки дар бозор нархи фурӯзонакҳо аз ибтидои соли ҷорӣ 5-6 маротиба боло рафта, нархи як фурӯзонак аз 6 сомонӣ ба 30-35 сомонӣ расонида шудааст.                        Хуб мешуд, ки барои амалӣ шудани ин дастуру супориш нархи фурӯзонакҳо ҳам зери назорат мегузашт.