ВАЗИРИ МУДОФИАИ ҚАЗОҚИСТОН БА ТОҶИКИСТОН ОМАД

                        Душанбе, 26 май. (АМИТ «Ховар», Анварбек Сиддиқов). — Вазири мудофиаи Ҷумҳурии Қазоқистон Дониёл Аҳмадов имрӯз барои боздиди расмӣ ба Душанбе омад. Вай дар давоми ду рӯз бо Президенти ҷумҳурӣ Эмомалӣ Раҳмон, вазири мудофиа Шералӣ Хайруллоев ва шахсони дигари расмии Ҳукумати Тоҷикистон мулоқот хоҳад кард.                        Дар ҷараёни ин мулоқотҳо масъалаҳои ҳамкории низомӣ, омода сохтани кадрҳои ҳарбӣ, мубодилаи иттилоот ва таҷриба дар соҳаи мубориза ба муқобили зуҳуроти номатлуби замони ҳозира муҳокима карда мешаванд.                        Мухбири АМИТ «Ховар» хабар медиҳад, ки вазири мудофиаи Қазоқистон ба Донишкадаи ҳарбии Вазорати мудофиаи Ҷумҳурии Тоҷикистон рафта, бо фаъолияти он шинос мегардад ва бо омӯзгорону донишҷӯёни Донишкада мулоқот хоҳад кард.