ҲУНАРМАНДОНИ БУХОРОӢ БА ТОҶИКИСТОН МЕОЯНД

                   Душанбе, 19 июн. (АМИТ «Ховар», Людмила Дубинина).- Сафари ҳунарии ҳунарпешагони дастаи «Мавригӣ»-и шаҳри Бухоро ба Тоҷикистон аз 29 июн оғоз меёбад. Ба тамошобинони тоҷик аз ҷумла рақсу сурудҳои халқии минтақаи Бухоро намоиш дода мешаванд. Директори генералии муассисаи давлатии ҳунарии «Базморо» Олим Акрамов ба мухбири АМИТ «Ховар» гуфт, ки ҳунарпешагони бухороӣ баъди як рӯзи ба Душанбе омаданашон дар Кохи Ҷомӣ консерт медиҳанд. Баъд онҳо аз 1 то 7 июл дар баъзе шаҳру ноҳияҳои мамлакат, аз ҷумла Турсунзода, Қӯрғонтеппа, Хуҷанд ва Исфара ҳунарнамоӣ хоҳанд кард.                   Инчунин мулоқоту вохӯриҳои ҳунарпешагони бухороӣ бо ҳамкасбони тоҷик ба нақша гирифта шудааст.