БЕҲТАРИН ВАЛЕЙБОЛБОЗОНИ ТОҶИКИСТОН МУАЙЯН ШУДАНД

                Душанбе, 19 июн. (АМИТ «Ховар», Ибодат Давлатова). — Дар шаҳри Душанбе мусобиқаи навбатии волейбол дар байни занҳо баргузор гардид.                Тавре аз маркази матбуоти Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон хабар доданд, дар бозии ниҳони мусобиқа дастаҳои Вилояти мухтори кӯҳистони Бадахшон ва вилояти Суғд вохӯрданд. Дар ҷамъбасти мусобиқа соҳиби ҷои якум бо медалҳои тилло дастаи волейболбозони ВМКБ гардид.                Ҷои дуюм ва медалҳои нуқра насиби дастаи волейболбозони вилояти Суғд, ҷои сеюм ва медалҳои биринҷӣ дастаи Душанбе-1 шуд. Бояд қайд намуд, ки дар мусобиқа 8 даста иштирок намуданд.