СОКИНОНИ МАҲАЛЛАИ БУНИ ҲИСОРАК СОҲИБИ ХОНА ШУДАНД

                         Душанбе, 2 июн. (АМИТ «Ховар», Наргис Бояхмедова).- Субҳи имрӯз дар Душанбе маросими ботантанаи ба истифода додани бинои калони истиқоматии нӯҳошёна дар хиёбони ба номи Ҳ. Шерозӣ баргузор гардид. Дар ҷамъомади ба ин муносибат баргузоргардида Президенти Ҷумҳурии Тоҷикистон Эмомалӣ Раҳмон иштирок намуд.                          Бинои нав аз 6 иморат иборат буда, 336 хона дорад. Барои сохтмони 3 иморати он аз ҳисоби буҷети шаҳр зиёда аз 8 миллион сомонӣ сарф шуд. 3 иморати дигар аз ҳисоби маблағи соҳибкорони ватанӣ сохта шуд. Ин хонаҳо ба сокинони маҳаллаи Буни Ҳисорак дода мешаванд.                           Бинои навро коргарони ширкатҳои сохтмонии «Пойтахт», «ЖБК-1» ва «Строитель-К» сохтанд.