ҶАМЪОВАРИИ КАРТОШКА ДАР ХАТЛОН

   Қӯрғонтеппа, 8 июл. (АМИТ «Ховар», Мурод Сотиев). Дар вилояти Хатлон дар майдони 1195 гектар картошка ҷамъоварӣ карда шуд, ки 65 фоизи майдони киштро дар бар мегирад. Тавре аз идораи кишоварзии вилояти Хатлон ба АМИТ «Ховар» иттилоъ доданд, ҷамъоварии картошка дар вилоят 16570 тонна ва ё 75 фоизро ташкил медиҳад. Нисбати соли гузашта ин нишондод 10 ҳазору 223 тона зиёд мебошад. «Ҷамъоварии картошка дар ноҳияҳои Ҷилликул 25 фоиз, Восеъ 17 фоиз, Ҳамадонӣ 19 фоиз ва Норак 19 фоиз иҷро гардидааст» — иттилоъ доданд аз идораи кишоварзии вилояти Хатлон. Ҳосилнокии картошка дар вилоят 136 сентнерро ташкил медиҳад.