ИМОМИ АЪЗАМ АБӮҲАНИФА- ҲОМИИ ЗАБОНИ ТОҶИКӢ

                       Душанбе, 3 июля. (АМИТ «Ховар», Лутфия Эшонқулова).- Бахшида ба 20- солагии қабули Қонуни забони тоҷикӣ 4 июл дар Китобхонаи миллии Тоҷикистон ба номи А. Фирдавсӣ мизи мудаввар дар мавзӯи «Имоми Аъзам Абӯҳанифа- ҳомии забони тоҷикӣ» баргузор мегардад. Барои иштирок намудан олимону забоншиносон ва аҳли илму адаби ҷумҳурӣ даъват шудаанд. Директори китобхона Шариф Тошев ба мухбири АМИТ «Ховар» хабар дод, ки дар чорабинии мазкур академику профессорони шинохта аз қабили Мусо Диноршоев, Баҳриддин Камолиддинов ва Акбар Ҷӯраев маърӯза намуда, дар бораи саҳми Имоми Аъзам дар рушди фарҳанги халқи тоҷик суханронӣ мекунанд.                       Дар доираи мизи мудаввар намоиши китобҳо тахти унвони «Забон-ҳастии миллат» муаррифӣ мегардад. Дар он беш аз 200 китоб ва мақолаю маҷаллаҳо доир ба забони тоҷикӣ ба маърази тамошо гузошта шуда мешаванд.