МУСОБИҚАИ ГУШТИНГИРӢ ДАР ҶИРГАТОЛ

                   Душанбе, 1 июл. (АМИТ «Ховар», Пайрав Назаров).-Дар Ҷиргатол мусобиқаи навбатии гуштингирӣ баргузор гашт, ки дар он гуштингирони беҳтарин муайян шуданд. Аз Кумитаи кор бо ҷавонон, варзиш ва сайёҳии назди Ҳукумати ҶТ ба АМИТ «Ховар» хабар доданд, ки дар мусобиқа беш аз 100 варзишгар аз тамоми гӯшаю канорҳои ҷумҳурӣ иштирок намуд. Аз рӯи натиҷаҳои мусобиқа Сӯҳроб Сайдализода, Самандар Қаландаров, Миралӣ Меҳбуллоев, Ризвониддин Бурҳонов, Шӯҳрат Каримов, Ҷаҳоншо Сафаров, Додохон Қурбонов, Бахтиёр Турахонов, Айём Ҷабборов ва Абдуваҳҳоб Сатторов қаҳрамонони варзиши гуштини миллӣ гардиданд.