ҚӮҲНАВАРДОНИ ТОҶИКУ ҲИНД БА ҶАММУ КАШМИР МЕБАРОЯНД
Душанбе, 18 август.(АМИТ «Ховар», Марзия Саидова).-Дар нимаи моҳи сентябри соли равон дар Ҳиндустон Экспедитсияи муштараки низомию кӯҳнавардии Тоҷикистону Ҳиндустон баргузор мегардад. Ҳадафи экспедитсияи мазкур фатҳи қуллаҳои дугоник — Сток Кангри (баландиаш 6153 метр) ва Гулап Кангри (5921 метр) мебошад. Ин қуллаҳо дар ноҳияи Лехи иёлоти Ҷамму ва Кашмири Ҳиндустон воқеанд. Дастаи низомии кӯҳнавардони Тоҷикистону Ҳиндустон, ки ҳар кадоме аз 12 нафарӣ иборат мебошад, алҳол ба ин чорабинии муҳим омодагӣ мебинанд. Гурӯҳи низомии кӯҳнавардони тоҷик аллакай ба Ҳиндустон сафар карданд. Онҳо машқҳои муштараки омодагӣ ҷиҳати фатҳи қуллаҳои дугоники Сток Кангри ва Гулап Кангриро мегузаронанд. Дар назар аст, ки кӯҳнавардон қуллаҳои дугоникро нимаи аввали моҳи сентябр фатҳ менамоянд. Баргузор намудани чунин экспедитсияи муштараки кӯҳнавардӣ аҳамияти таърихӣ дорад. Зеро он бори нахуст дар таърихи ҳар ду давлат- Тоҷикистону Ҳиндустон бо иштироки хизматчиёни ҳарбии ин кишварҳо гузаронида мешавад. Ҳар ду ҷониб аз экспедитсияи муштарак умедҳои калон доранд, зеро он муносибатҳои тарафайнро таҳким бахшида, инъикосгари равобити дӯстонаи Тоҷикистону Ҳиндустон аст.
Зудтару дақиқтар: дар Тоҷикистон сифати хизматрасониҳои мобилиро беҳтар мекунанд
Имрӯз дар шаҳри Душанбе ҳаво то 27 дараҷа гарм мешавад
Имрӯз дар Тоҷикистон ҳаво абрнок шуда, борон меборад
«ТОҶИКИСТОН — ВАТАНИ АЗИЗИ МАН». Моҳи апрел даври якуми озмуни ҷумҳуриявӣ оғоз меёбад
КИШТИ БАҲОРӢ. Маъсар зироати пурқимати равғандеҳ маҳсуб мешавад
ГУЛБАСТ — МАТОЕ БО САНЪАТИ НОДИР. Он воқеан ҳам либоси зебо ва миллӣ аст
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
21 МАРТ — РӮЗИ БАЙНАЛМИЛАЛИИ ҲИФЗИ ПИРЯҲО. Пиряхҳои Тоҷикистон манбаи бузурги оби дарёҳои Осиёи Марказӣ ба шумор мераванд
Имрӯз дар Тоҷикистон ҳавои тағйирёбанда пешгӯӣ мешавад
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
Кордсозӣ чун рамзи маҳорати ҳунармандони тоҷик то имрӯз ҳифз гардидааст
Филмҳо ва шабакаҳои телевизионӣ – бе пардохти иловагӣ ва сарфи трафик
