«БАРҚИ ТОҶИК» ОМОДА АСТ БА НБО «САЯНО-ШУШЕНСК» КӮМАК РАСОНАД
Душанбе, 19 август. (АМИТ «Ховар», Жасмин Назарова). — Шаби 16 ва 17-уми август дар Нерӯгоҳи барқи обии «Саяно-Шушенск»-и Республикаи Хакасияи Федератсияи Россия садама рӯй дод, ки дар натиҷа 13 нафар ба ҳалокат расиданд ва 62 нафар бе ному нишон гум шуданд. Бино ба гуфти сардори умури матбуоти ШСХК «Барқи тоҷик» Нозирҷон Ёдгорӣ, раиси ШСХК «Барқи тоҷик» Санъат Рахимов ба раиси раёсати ҷамъияти саҳҳомии Рус — Гидро Василий Зубакин барқияи тасаллият ирсол намуд. Дар он ба оилаҳои қурбоншудагон ва зарардидагони садама ҳамдардӣ баён карда мешавад. Инчунин ӯ қайд намуд, ки энергетикҳои тоҷик омодаанд барои барқарор намудани оқибатҳои нерӯгоҳ кӯмаки ҳамаҷонибаи худро расонанд. Хотиррасон мекунем, ки нерӯгоҳи барқи обии «Саяно-Шушенск», ки дар дарёи Енисей сохта шудааст, яке аз бузургтарин НБО — и дунё ба шумор меравад. Дар он 10 гидроагрегат шинонда шудааст ва иқтидори ҳар кадомашон 640 мегаватт мебошад.
Имрӯз дар водиҳои Тоҷикистон борон меборад
Имрӯз дар якчанд кумитаю идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
