ИНТИХОБОТИ ПРЕЗИДЕНТИ АФҒОНИСТОН
Кобул, 20 август. (АМИТ «Ховар» — РБК.ру). — Имрӯз дар Афғонистон интихоботи нави президентӣ баргузор мегардад. Дар он 31 нафар номзади мансаби президент иштирок мекунанд. Интихобкунандагон бояд аз байни онҳо номзади арзандаро интихоб кунанд. Вале, ба қавли коршиносон, имконияти пирӯз гардидани Ҳомид Карзай нисбат ба ҳарифонаш хеле бештар мебошад. Маълум аст, ки аксарияти пешвоёни қабилаҳои Афғонистон, маъмурияти Амрико ва ҷомеаи ҷаҳон Ҳомид Карзайро ҷонибдорӣ намекунанд. Вале кӯшиши аз сари ҳокимият дур кардани ӯ Афғонистонро бори дигар ба вартаи ҳараҷу мараҷ, беҳокимиятӣ ва ҷангу хунрезӣ мувоҷеҳ сохта метавонад. Дар натиҷа, бешубҳа ҷунбиши «Толибон» ба сари ҳокимият хоҳад омад. Рақиби асосии Ҳ.Карзай дар интихобот вазири собиқи корҳои хориҷии мамлакат Абдуллои Абдулло мебошад. Абдулло яке аз ҳамсафони Аҳмадшоҳи Масъуд мебошад, ки соли 2001 кушта шуда буд. Аҳмадшоҳи Масъуд имрӯз ҳам дар байни тоҷикони Афғонистон шӯҳрати калон дорад. Вале коршиноси Пажӯҳишгоҳи таҳқиқоти стратегии Маскав Сергей Демиденко ба ғалабаи Абдуллои Абдулло шубҳа дорад. Вай зикр намуд, ки модари Абдулло тоҷик ва падари ӯ паштун мебошанд. Номзадии Абдуллоро Ҷабҳаи миллии муттаҳидаи Афғонистон пешбарӣ намудааст. Ҷабҳаи мазкур муҷоҳидонеро муттаҳид месозад, ки дар давоми чор соли дар сари ҳокимият қарор доштанашон Афғонистонро ба чоҳи бетаги ҳараҷу мараҷ, беқонунӣ ва хурофотпарастӣ тела дода буданд. Аҳолии мамлакат аз ҷабру зулми онҳо ба дод омада, соли 1996 намояндагони ҷунбиши «Толибон» — ро истиқбол гирифт. Маълум аст, ки ҳеҷ кас такрор шудани чунин вазъиятро намехоҳад. Ба қавли С. Демиденко, Ҳ.Карзай дар даври аввали интихобот ғалаба хоҳад кард. Зеро дар шароити имрӯза номзади дигаре нест, ки Ҳ. Карзайро иваз карда тавонад. Ҳ.Карзай бояд барои таъмини ғалабааш дар интихобот камаш 50 фоизи овози интихобкунандагонро ба даст орад. Тарҷумон — Қудратов А.
Дар Хуҷанд барои пешгирии бемориҳои сироятӣ вохӯрӣ доир гардид
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
МАСЛИҲАТИ МУТАХАССИС. Мураббои анҷир кори дил ва рагҳои хунгардро муътадил мегардонад
Дар ҳашарҳои экологӣ 9 км канори шоҳроҳи мошингарди Исфара-Хуҷанд аз партовҳо тоза карда шуд
Имрӯз дар Тоҷикистон сар задани селҳои пиряхӣ аз эҳтимол дур нест
