КОРОМӮЗИИ РӮЗНОМАНИГОРОН ДАР КӮЛОБ
Кӯлоб, 28 август. (АМИТ "Ховар", Сулаймон Холов).-Беш аз 15 нафар ҷавонон дар шаҳри Кӯлоб тибқи "Лоиҳаи коромӯзӣ оид ба журналистикаи шаҳрвандӣ" аз вижагиҳои касби рӯзноманигорӣ огаҳ шуданд. Ин лоиҳа аз ҷониби нашрияи маҳаллии ҷавонон мавсум ба "Пажвок" амалӣ шудааст. Орзӯ Ҳамидов, муассиси нашрияи "Пажвок" гуфт, ки пас аз созмон додани нашрия эҳсос шуд, ки барои таҳияи мавод ба онҳо рӯзноманигорони касбӣ намерасанд. Аз ин рӯ, бо ҷалби ҷавонони хоҳишманд тасмим гирифтаанд, ин холигиро пур намоянд. Барои таълими ҷавонони маҳаллӣ аз вижагиҳои касби журналистика масъулини "Пажвок" аз устодони факултаи журналистикаи Донишгоҳи миллии Тоҷикистон истифода бурдаанд. Ҳамзамон дар баробари таълим, ки чор моҳ идома дошт, ҷавонон дар нашрияи мазкур таҷрибаи амалӣ гирифтаанд. Феълан ҷавононе, ки ин даври омӯзиширо хатм намудаанд, дар нашрия "Пажвок" ба кор ҷалб шудаанд. "Пажвок" нашрияи маҳаллии ҷавонони шаҳри Кӯлоб буда, ду сол қабл таъсис ёфтааст. Ин нашрия моҳе ду маротиба нашр мешавад ва ягона нашрияи мустақил дар вилояти Хатлон аст, ки аз замони таъсисёбӣ то кунун мунтазам нашр мегардад.
Аз 1 то 3 май дар баъзе шаҳру ноҳияҳои Тоҷикистон ифлосшавии ҳавои атмосферӣ дар назар аст
Монографияи илмӣ оид ба журналистикаи сайёҳӣ ба нашр расид
«ТОҶИКИСТОНИ МАН!». Дар шаҳри Ҳисор маҳфил-озмун ҷамъбаст гардид
Имрӯз дар минтақаҳои доманакӯҳии ноҳияҳои тобеи Тоҷикистон сар задани сел пешгӯӣ мешавад
Сокини ноҳияи Кӯшониён аз ҳар қуттӣ кирмак то 35 килограмм пилла ба даст меорад
Имрӯз дар баъзе минтақаҳои Тоҷикистон борон меборад
Имрӯз дар баъзе минтақаҳои Тоҷикистон рӯзона борони кӯтоҳмуддат меборад
Дар шаҳри Бӯстон доир ба татбиқи лоиҳаҳои муштараки иҷтимоӣ бо соҳибкорон вохӯрӣ баргузор шуд
Дар даҳсолаи охир дар ҷаҳон шумораи одамони бо гуруснагии фалокатбор рӯбарӯ нуҳ маротиба афзоиш ёфтааст
Имрӯз дар шаҳри Душанбе ҳаво то 29 дараҷа гарм мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Озмуни ҷумҳуриявии «Ҷавонон муқобили коррупсия» баргузор мешавад
