МУАЛЛИМОНИ ШОҲМАНСУР БА ҲАМ ОМАДАНД

                       Душанбе, 29 август. (АМИТ «Ховар», Ибодат Давлатова). — 29 августи соли ҷорӣ дар мактаби таҳсилоти миёнаи умумии рақами 21-и шаҳри Душанбе машварати августии кормандони соҳаи маорифи ноҳияи Шоҳмансур баргузор гардид.                      Дар он намояндагони Вазорати маорифи ҶТ, директорону муаллимони мактабҳои миёна, иштирок намуданд.                     Иштирокчиёни машварат оид ба баланд бардоштани сифати таълим ва сатҳи донишу маърифати хонандагон дар партави суханронии Президенти ҶТ ба муносибати «Рӯзи забон» ва вохӯрӣ бо зиёиёни мамлакат суханронӣ намуданд.                     Инчунин, дар он намоиши корҳои эҷодии ғолибони озмунҳои соли 2009 ва намоиши наворҳо оид ба пешравии соҳаи маорифи ноҳия баргузор гардид.