МУРОФИАИ СУДИИ ОДАМФУРӮШОН

Август 14, 2009 11:06

                  Маскав, 14 август. (АМИТ «Ховар» — Лента. ру). — 13 август дар Суди ҳарбии округи Маскав мурофиаи гурӯҳи калони одамфурӯшон оғоз ёфт. Дар ин ҷо панҷ шаҳрванди Молдавия, 2 шаҳрванди Исроил ва шаш нафар шаҳрванди Русия ба ҷавобгарии ҷиноӣ кашида шуданд. Гунаҳкори асосӣ дар бобати рабудан ва дар мамлакатҳои хориҷӣ фурӯхтани 130 нафар зану духтар полковники раёсати умумии разведкаи Ситоди кулли Қувваҳои мусаллаҳи Федератсияи Русия Дмитрий Стриканов мебошад. Дар ҷараёни тафтиш муқаррар карда шуд, ки маҳз ҳамин шахс ташкилкунандаи гурӯҳи ҷиноӣ ба шумор меравад. Аъзои гурӯҳ занону духтарони мамлакатҳои ИДМ — Молдавия, Русия, Украина ва Ӯзбекистонро бо роҳи фиреб ва қаллобӣ ба мамлакатҳои Аврупо ва Шарқи наздик бурда, баъд онҳоро ба танфурӯшӣ ва фоҳишагарӣ маҷбур кардаанд. Ҷинояткорон ба занону духтарон ваъда доданд, ки онҳоро дар хориҷа бо кори сердаромад таъмин хоҳанд кард.                 Фаъолияти гурӯҳи муташаккили ҷинояткор дар Исроил, Италия, Олмон, Юнон, Голландия ва Аморатҳои Муттаҳидаи Араб қариб 8 сол давом кард. Хадамоти махсуси якчанд мамлакат моҳи майи соли гузашта ҳамроҳи Хадамоти федералии амнияти Русия ва Политсияи байналмилалӣ ҷинояткоронро фош карда, аъзои гурӯҳи ҷиноиро дастгир намуданд.  

Август 14, 2009 11:06

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд