НАШРИЯИ НАВ БАРОИ ДОНИШҶӮЁН

                   Душанбе, 31 август. (АМИТ «Ховар», Лутфия Эшонқулова). — Дар арафаи Соли нави таҳсил 31 август барои ҷавонон ва донишҷӯёни тоҷик ҳафтаномаи махсус бо номи «Студент. tj» аз чоп баромад. Муассиси нашрияи мазкур ҶММ «Чархи гардун» мебошад. Директори генералии ҶММ «Чархи гардун» Акбаралӣ Саттор ба мухбири АМИТ «Ховар» хабар дод, ки «Студент. tj» ҳар ҳафта як маротиба, бо забонҳои тоҷикӣ ва русӣ ва теъдоди зиёд нашр мегардад. Дар ҳафтанома бештар мавзӯъҳои зиндагӣ ва таҳсили донишҷӯён, таҳсили онҳо дар хориҷи кишвар мавриди баҳс қарор дода мешавад. Барои ҳавасмандгардонии толибилмон ҳайати мушовараи нашрия ният дорад, ки дар саҳифаҳои худ озмунҳои гуногун эълон намояд.                   Акбаралӣ Саттор зикр кард, ки ояндаи наздик махсус барои санъаткорон низ нашрияи алоҳида ташкил карда хоҳад шуд.