ТАҶЛИЛИ ИДИ ИСТИҚЛОЛИЯТИ ҲИНДУСТОН
Душанбе, 14 август. (АМИТ «Ховар», Лутфия Эшонқулова ). — 18 август дар Сафоратхонаи Ҳиндустон дар Душанбе ба муносибати 63 — солагии Иди истиқлолияти Ҳиндустон зиёфати ботантана ороста мешавад. Ба он намояндагони сохторҳои давлатӣ, созмонҳои байналхалқӣ, сафоратхонаҳои хориҷӣ ва зиёиён даъват шудаанд. Дар ҷараёни зиёфат барои ҳозирон консерти ҳиндӣ намоиш дода мешавад. Мухбири АМИТ «Ховар» ёдовар мешавад, ки Рӯзи истиқлолият иди калонтарини миллии мардуми ҳинд ба шумор рафта, ҳар сол 15 август ҷашн гирифта мешавад. 15 августи соли 1947 сарвазири нахустини мамлакат Ҷавоҳирлаъл Неҳру дар ҳузури ҳазорон нафар одамон дар бинои Бандари сурхи Деҳлӣ Санади истиқлолияти Ҳиндустонро имзо карда буд. Ҳамон рӯз байрақи серангаи Ҳиндустони мустақил барафрошта шуд. Бояд гуфт, ки мубориза барои озодии Ҳиндустон чандин даҳсолаҳо давом дошт. Барои ба даст овардани озодӣ ва истиқлолияти мамлакат даҳҳо фарзандони қаҳрамони миллат, аз ҷумла, Ҷ.Неҳру, Ганди, Тилаку, Бхагату Сингх, Субхаш Чандра Бос ва дигарон қурбон гардиданд. Иди истиқлолияти Ҳиндустонро ҳамаи сокинони мамлакат бе назардошти фарқияти миллию динии худ ботантана ҷашн мегиранд.
Пагоҳ дар якчанд вазорату идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
