ТАҶЛИЛИ НАХУСТИНИ РӮЗИ ҶАҲОНИИ КӮМАКИ БАШАРДӮСТОНА
Душанбе, 20 август. (АМИТ «Ховар», Фарангис Раҳимова). — 19 август бори аввал дар бисёр мамлакатҳои ҷаҳон Рӯзи умумиҷаҳонии кӯмаки башардӯстона ҷашн гирифта шуд, ки онро Маҷмаи кулли Созмони милали муттаҳид моҳи декабри соли гузашта муқаррар карда буд. Ҳадафи ин қарор мусоидат ба додани маълумоти бештар ба аҳолӣ дар бораи фаъолияти созмонҳои хайрия дар саросари ҷаҳон, инчунин қадрдонии хизмати кормандони онҳо мебошад, ки зимни иҷрои вазифа ҳалок гардида ё осеб дидаанд. Маҷмаи кулли СММ ба ҳамаи давлатҳои ҷаҳон ва муассисаҳои худ пешниҳод мекунад, ки Рӯзи ҷаҳонии кӯмаки башардӯстонаро ботантана таҷлил кунанд. Шаш сол пеш, 19 августи соли 2003 бинои намояндагии СММ дар Ироқ тарконда шуд. Бар асари ин таркиш 22 нафар, аз ҷумла, Комиссари олии ҳуқуқи инсони СММ ва намояндаи махсуси Муншии умумии СММ дар Ироқ Сержиу Виейра ди Меллу ҳалок гардид. Инчунин солҳои гуногун дар мамлакатҳои дигар кормандони СММ ва намояндагони созмонҳои байналхалқии хайрия ҳадафи ҳамла қарор гирифтанд. Ҳадафҳои асосии Рӯзи ҷаҳонии кӯмаки хайрия дар соли 2009 ҷалби таваҷҷӯҳи одамон ба эҳтиёҷоти соҳаи кӯмаки башардӯстона дар саросари ҷаҳон, қадрдонии хизмати кормандони созмонҳои хайрия ва поси хотири онҳое мебошад, ки зимни иҷрои вазифа ҳалок гардидаанд.
Имрӯз дар водиҳои Тоҷикистон ҳаво то 40 дараҷа гарм мешавад
Дар 130 муассисаи таълимии ноҳияи Рӯдакӣ беш аз 10 ҳазор наврасон ба истироҳат фаро гирифта шудаанд
Имрӯз дар ноҳияҳои алоҳидаи Тоҷикистон чангу ғубор ба амал меояд
Дар Душанбе ҳамоиши сиёсӣ-фарҳангӣ таҳти унвони «Пешвои миллат — меъмори Ваҳдат» доир гардид
МЕГАФОН ТОҶИКИСТОН: Дар Санкт –Петербург Созишнома оид ба ҳамкории оператор бо таҳиягари пешбари Русия — Ivideon имзо гардид
Конфронси илмӣ-адабии «Душанбе — корзори ваҳдатофарӣ ва боргоҳи Ваҳдати миллӣ» баргузор шуд
Дар Вилояти Мухтори Кӯҳистони Бадахшон 9 иншооти саноатӣ ба истифода дода мешавад
Дар Бохтар вобаста ба пешгирии ғарқшавии ноболиғону ҷавонон ҳангоми оббозӣ вохӯрии иттилоотӣ доир шуд
Модарони ваҳдатсаро дар ноҳияҳои Исмоили Сомонӣ, Фирдавсӣ, Сино ва Шоҳмансури пойтахт бо сокинон вохӯрӣ мегузаронанд
АЗ БАРАКАТИ ВАҲДАТИ МИЛЛӢ. Дар ин муддат соҳаи саноат ва кӯҳкорӣ ба як бахши муҳими иқтисоди миллӣ табдил ёфт
«ХИЗМАТ БА ВАТАН ШАРАФ АСТ!». Дар ноҳияи Нуробод ҳамоиши хизматчиёни ҳарбӣ баргузор мешавад
