ТАФТИШИ КУШТОРИ ОММАВИИ ОДАМОН ОҒОЗ ЁФТ
Буйнак, 14 август. (АМИТ «Ховар» — Лента. ру ). — Вобаста ба воқеаи куштори теъдоди зиёди одамон дар Доғистон парвандаи ҷиноӣ кушода шуд. Хабар дода мешавад, ки бегоҳии рӯзи ҷумъа дар натиҷаи тирпарронӣ ба сӯи посгоҳи милиса ва ҳаммом дар ноҳияи Буйнаки Доғистон чор корманди милиса ва 7 корманди ҳаммом кушта шуданд. Аз рӯи хабари дигар, дар натиҷаи ин амали террористӣ 11 кас ҳалок шудааст. Амалиёти террористӣ 13 август содир карда шуд. Хабар дода мешавад, ки гурӯҳи понздаҳнафараи силоҳбадастон тақрибан соати 20 дар яке аз музофотҳои шаҳри Буйнак посгоҳи милисаро ҳадафи оташ қарор доданд. Баъди ин ба яке аз ҳаммомҳои дар қарибӣ воқеъбуда ҳуҷум оварда шуд. Силоҳбадастон баъди анҷоми амалиёт як мошини «Газел» -ро кашида гирифта, бо он ба тарафи номаълум ғайб заданд. Амалиёти ҷустуҷӯи ҷинояткорон натиҷаи дилхоҳ надод. Вақтҳои охир дар Доғистон ба муқобили хизматчиёни ҳарбии Русия чандин амали террористӣ анҷом дода шуд. Шахсони номаълум ба қарибӣ дар ин ҷо роҳи оҳанро тарконда, кормандони мақомоти муҳофизи қонуну тартибот, аз ҷумла вазири корҳои дохилии ҷумҳурӣ Одилгерой Муҳаммадтоҳировро ба ҳалокат расонданд. Тарҷумон — Қудратов А.
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
