ТАЛАБАГОН ФАННИ НАВРО МЕОМӮЗАНД
Душанбе, 18 август. (АМИТ «Ховар», Таҳмина Ғоибназарова).- аз соли нави таҳсил Сар карда, талабагони синфҳои 9-уми мактабҳои забони таҳсилашон тоҷикӣ фанни нави «Маърифати ислом»-ро меомӯзанд. Дар ин бора муовини сардори раёсати томактабӣ ва мактабҳои миёнаи умумии Вазорати маорифи ҷумҳурӣ Ҳамза Наврӯзов ба АМИТ «Ховар» хабар дод. Ҳ. Наврӯзов афзуд, ки мувофиқи барномаи «Китоб ва кадрҳо» 390 нафар муаллимони таърих ва адабиёт курсҳои тахассусиро дар Донишгоҳи давлатии омӯзгории ба номи С. Айнӣ мегузаранд. Фанни мазкурро муаллимони илмҳои дунявӣ дарс медиҳанд. Ин иқдом имконияти ба мактабҳо роҳ ёфтани ташвиқотчиёни диниро пешгирӣ менамояд, қайд кард Ҳ. Наврӯзов. Талабагон фанни «Маърифати ислом»-ро омӯхта дар бораи таърихи дин, таърихи Қуръон, дар бораи пайғамбар Муҳаммад маълумоти зарурӣ ба даст меоранд. Омӯзиши фанни нав хусусияти тарғиботи динӣ надошта, талабагонро ба муқобили динҳои дигар равона намесозад. Ҳ. Наврӯзов зикр намуд, ки фанни «Маърифати ислом» аз соли таҳсили оянда сар карда, дар мактабҳои русзабон низ омӯхта хоҳад шуд. Тарҷумаи Зебо Иноятова
Имрӯз дар водиҳои Тоҷикистон борон меборад
Имрӯз дар якчанд кумитаю идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
