ТЕЛЕФОНИ БОВАРӢ ДАР ШИРКАТИ «БАРҚИ ТОҶИК»

                Душанбе, 14 август. (АМИТ «Ховар», Жасмин Назарова). — Бино ба гуфти сардори умури матбуоти ШСХК «Барқи тоҷик» Нозирҷон Ёдгорӣ, дар заминаи чорабиниҳои мушаххасе, ки дар ширкати «Барқи тоҷик» дар бобати беҳбудӣ бахшидан ба хизматрасонӣ ба аҳолӣ андешида мешавад ва тадбирҳои таҷдиди усули ҷамъоварии маблағи ҳаққи барқ ва дуруст ба роҳ мондани ҳисобу китоби нерў дар ШСХК «Барқи тоҷик» телефони боварӣ ба кор сар кард. Акнун муштариён метавонанд, дар бораи муносибати нозирони барқ ба онҳо, тарзи пардохти маблағи барқ, ҳодисаҳои сўйистеъмоли нерў ва тамоми дигар масъалаҳои ба пардохти ҳаққи барқ вобаста ба ёвари раиси ширкат бо телефонҳои 295-307 ё 295-480 занг зананд.                ШСХК «Барқи тоҷик» кафолат медиҳад, ки ҳар занги телефонӣ ба қайд гирифта шуда, аз рўи он оҷилона чора андешида мешавад.