ҲАМКОРИҲОИ ТОҶИКИСТОНУ РОССИЯ ГУСТАРИШ МЕЕБАНД

               Президенти Ҷумҳурии Тоҷикистон Эмомалӣ Раҳмон ҳамчунин Раиси Палатаи назорати молиявии Федератсияи Русия Сергей Степашинро ба ҳузур пазируфт.              Дар мулоқот масоили ҳамкории ду кишвар дар чаҳорчӯби омодагӣ ба сафари давлатии пешомади Президенти Ҷумҳурии Тоҷикистон ба Федератсияи Русия баррасӣ шуд.                Гуфтугӯйи судманд оид ба тафсилоти ҳамкории иқтисодӣ, ҳарбӣ-сиёсӣ ва фарҳангӣ сурат гирифт.                 Таваҷҷӯҳи зиёд ба ҳамкорӣ дар соҳаи гидроэнергетика, ҷустуҷӯ ва истихроҷи нафту газ ва ба масоили вобаста ба будубоши минбаъдаи пойгоҳи ҳарбии Русия дар Тоҷикистон зоҳир гардид.                Дар ин бора ба АМИТ «Ховар» аз Хадамоти матбуоти Президенти Ҷумҳурии Тоҷикистон иттилоъ доданд.