ҶОИЗА БА МУХБИРИ АМИТ «ХОВАР»

                Душанбе, 5сентябр. (АМИТ «Ховар», Жасмин Назарова ). – 4 сентябр дар шаҳри Қӯрғонтеппа натиҷаҳои озмуни вилоятии журналистон ҷамъбаст карда шуд. Муовини раиси Шӯрои иттифоқҳои касабаи вилояти Хатлон Мавлуда Ашӯрова ба АМИТ «Ховар» хабар дод, ки озмуни мазкур аввали соли равон эълон шуда буд.                 Ҳадафи он ташвиқу тарғиби фаъолияти ташкилотҳои иттифоқҳои касабаи вилоят ва ба роҳ мондани ҳамкории онҳо бо воситаҳои ахбори оммавӣ буд.               Аз рӯи натиҷаҳои озмун ҷои аввал ва мукофоти пулӣ ба маблағи 500 сомонӣ ба мухбири ҳафтаномаи вилоятии «Хатлон» Саттор Қарахонов муносиб дониста шуд.               Ҷои дуввум ва мукофоти пулӣ ба маблағи 300 сомонӣ насиби мухбири Агентии миллии иттилоотии «Ховар» дар вилояти Хатлон Мурод Сотиев гардид.