К. БРОНКА: «ЭЪТИМОДИ МАРДУМ БА БОНКҲО МЕАФЗОЯД»
Душанбе, 14 сентябр.(АМИТ «Ховар», Марзия Саидова).- Масъалаи тақвияти ҳамкориҳои парлумони Тоҷикистон бо Бонки умумиҷаҳонӣ, раванди амалишавии лоиҳа ва тарҳҳои ин бонки бонуфуз дар Тоҷикистон зимни мулоқоти муовини аввали Раиси Маҷлиси намояндагони Маҷлиси Олии ҷумҳурӣ Сафар Сафаров бо намояндагони Бонки умумиҷаҳонӣ таҳти раёсати Кояра Бронка 14 сентябр дар Душанбе баррасӣ гардиданд. Сафар Сафаров роҷеъ ба саҳми парлумони ҷумҳурӣ дар беҳтар шудани фаъолият ва низоми бонкӣ дар Ҷумҳурии Тоҷикистон ибрози назар карда гуфт, ки вакилони палатаи касбии парлумони Тоҷикистон тавонистанд бо қабули якчанд қонун дар бахши ислоҳоти соҳаи бонкӣ ва фароҳам овардани шароити мусоиди сармоягузорӣ дар мамлакат нақши муҳим дошта бошанд. Муовини аввали раиси палатаи касбии парлумони кишвар аз раванди ҳамкориҳои Бонки умумиҷаҳонӣ бо Ҷумҳурии Тоҷикистон ибрози ризоият карда, хостори тақвияти ҳарчӣ бештари ин равобит шуд. Намояндаи Бонки умумиҷаҳонӣ Кояра Бронка аз амалишавии ислоҳоти бонкӣ дар Ҷумҳурии Тоҷикистон ва дар ин замина ба даст овардани эътимоди мардум нисбат ба бонкҳои мамлакат изҳори хушнудӣ намуда, гуфт, ки боварии ҳар чӣ бештари мардум ба бонкҳо аз омилҳои асосии беҳтар шудани сатҳи зиндагии онҳо ва ғанӣ гардидани захираи бонкӣ мебошад. Мусоҳибон ҳамчунин, дурнамои рушди Ҷумҳурии Тоҷикистонро дар давраи молиявӣ — солҳои 2010-2013 табодули назар карданд. Дар ин бора ба АМИТ «Ховар» аз Маркази матбуоти Маҷлиси намояндагон иттилоъ доданд.
Дар Хуҷанд барои пешгирии бемориҳои сироятӣ вохӯрӣ доир гардид
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
МАСЛИҲАТИ МУТАХАССИС. Мураббои анҷир кори дил ва рагҳои хунгардро муътадил мегардонад
Дар ҳашарҳои экологӣ 9 км канори шоҳроҳи мошингарди Исфара-Хуҷанд аз партовҳо тоза карда шуд
Имрӯз дар Тоҷикистон сар задани селҳои пиряхӣ аз эҳтимол дур нест
