КАНАЛУ СЕЛПАРТОҲОИ ПОЙТАХТ ТОЗА ВА ТАЪМИР МЕШАВАНД

                 Душанбе, 14 (АМИТ «Ховар», Марзия Саидова).-Каналу селпартоҳои маҳаллаҳои «Шоҳмансур» (аз кӯчаи Айнӣ то беморхонаи касалиҳои пӯст), «Ҳазора» (аз кӯчаи М. Турсунзода то даромад ба фурудгоҳи ҳавоӣ), «Олучабоф», «Коргар», «Говкуш», «Зарафшон», «Каленин», «Будёний», «Карамов», «Аэропорт»ва «Шӯраксой»-и пойтахт тозаю таъмир карда мешаванд. Бо ин мақсад шаҳрдории Душанбе маблағҳои буҷавиро дар ин самт ихтисос медиҳад.                 Аз Хадамоти матбуотии Раиси шаҳри Душанбе ба АМИТ «Ховар» иттилоъ доданд, ки бо ин мақсад Раиси шаҳри Душанбе Маҳмадсаид Убайдуллоев бо ҷонибдории протоколи ҷаласаи Воҳиди хариди Мақомоти иҷроияи маҳаллии ҳокимияти давлатӣ дар шаҳри Душанбе қарори махсус ба тасвиб расонд. Дар асоси ин қарор Сарраёсати ободонии шаҳри Душанбе муваззаф гардид, ки ҳамчун фармоишгари иншоот бо риояи талаботи санадҳои меъёрии ҳуқуқӣ ҳуҷҷатҳои заруриро барои гузарониданидани тендер ҷиҳати интихоби пудратчиёни қобилиятнок омода намуда, ба комиссияи тендерӣ пешниҳод созад.