КОРХОНАИ НАВ БУНЁД МЕГАРДАД

                Душанбе, 8 сентябр. (АМИТ «Ховар», Кристина Эрлих). — Имрӯз дар маҳаллаи Лучоби шаҳри Душанбе сохтмони Маркази барқу гармидиҳӣ оғоз меёбад, ки дар оянда танҳо бо истифодаи ангишт кор мекунад.  Бинои маркази барқу гармидиҳиро ширкати «Тебиён электрик аппаратус» — и Ҷумҳурии Мардумии Чин месозад. Иқтидори лоиҳавии Марказ 200 мегаватт мебошад.                 Навбати аввали корхона соли 2011 дар арафаи 20 — солагии истиқлолияти Тоҷикистон ба истифода дода мешавад. Сохтмони он соли 2013 пурра ба охир расонда хоҳад шуд. Баъди ба истифода дода шудани корхона дар ин ҷо ҳар шабонарӯз 4, 8 миллион киловатт – соат қувваи барқ истеҳсол карда, хонаҳои бештар аз 200 ҳазор нафар бо гармӣ ва оби гарм таъмин карда мешавад.