МУСОБИҚАИ ШОҲМОТБОЗОН ДАР РУСИЯ

               Душанбе, 10 сентябр. (АМИТ «Ховар», Пайрав Назаров ). – Дар шаҳри Улан – Удэи Ҷумҳурии Бурятистони Федератсияи Русия мусобиқоти қаҳрамонии шоҳмот давом дорад. Дар он шоҳмотбози машҳури тоҷик Фаррух Амонатов иштирок менамояд. Ӯ баъди 7 қувваозмоӣ бо 4 хол ҷои 15 – умро ишғол мекунад.              Ф.Амонатов имрӯз дар даври 8 – уми мусобиқа бо шоҳмотбози Русия Максим Матлаков қувваозмоӣ хоҳад кард.              Мусобиқаи мазкур 1 сентябр шурӯъ шуд ва то 14 сентябр давом мекунад.                Мухбири АМИТ «Ховар» хабар медиҳад, ки фонди мукофотҳои мусобиқа 2 миллиону 500 ҳазор рубли Русияро ташкил медиҳад.