РОССИЯ ДАР ТАЙЁР КАРДАНИ МУТАХАССИСОНИ ҶАВОН КӮМАК МЕКУНАД

                 Душанбе, 30 сентябр. (АМИТ «Ховар», Лаззат Диловарзод).- Бино ба иттилои котиби якуми сафорати Русия дар Тоҷикистон Сергей Киселёв, танҳо дар соли 2009 барои таълим дар мактабҳои олии Русия беш аз 10 ҳазор донишҷӯ қабул карда шудааст. Дар соли 2008 ҳамагӣ 7 ҳазор нафар донишҷӯ ба таҳсил фаро гирфта шуда буд, аммо чанд сол пештар шумораи донишҷӯёни Тоҷикистон дар мактабҳои олии Русия 350 нафар буд.                  -Бо вуҷуди чунин пешрафт, назорати донишҷӯёни болаёқат ҳамеша бояд зери назар қарор бошад,- мегӯяд С. Киселёв.                 Ба иттилои ҳамин манбаъ, дар ояндаи наздик таъсиси як маркази илму фарҳанг дар пойтахт дар назар аст.                   Бо гузашти солҳо муносибати Русия бо ҶТ оид ба тайёр кардани кадрҳои баландихтисос беҳтар хоҳад шуд, ба ин рақамҳои дар боло овардашуда гувоҳӣ медиҳанд.