ТАҶЛИЛИ РӮЗИ ЯКДИЛИИ ЖУРНАЛИСТОН
Душанбе, 7 сентябр. (АМИТ «Ховар», Таҳмина Ғоибназарова).- Имрӯз дар Иттифоқи журналистони Тоҷикистон мизи мудаввар, бахшида ба рӯзи байналхалқии якдилии журналистон баргузор мегардад. Ин ҷашнро ҳамасола 8 сентябр ҷашн мегиранд. Рӯзи байналхалқии якдилии журналистон соли 1958 дар Бухарест дар анҷумани 4-уми байналхалқии журналистон таъсис ёфта буд. Рӯзи байналхалқии журналистон ба муносибати қатли журналисти чех, муборизи фаъоли зиддифашизм Ю. Фучик муқаррар карда шудааст. Ю. Фучик 8 сентябри соли 1943 дар Олмон аз тарафи фашистон ба қатл расонда шуд. Вай сармуҳаррири рӯзномаи чехии «Руде право» буд. Вай дар рӯзномаи худ мақолаҳои бар зидди режими фашистиро ҷой медод, аз ин рӯ ӯро гестапо ба ҳабс гирифта буд. Ю. Фуик аз рӯи китоби худ «Гуфтори пеш аз қатл» шӯҳрат пайдо кард, ки ин китобро ӯ дар зиндон навишта буд. Баъди марги журналист китоби ӯ ба 70 забонҳои ҷаҳон тарҷума шуд. Аз соли 1958 дар рӯзи марги Ю. Фучик рӯзи байналхалқии якдилии журналистон қайд карда мешавад. Дар рӯзи байналхалқии журналистон дар ҳамаи мамлакатҳои ҷаҳон барои поси хотири Ю. Фучик конфронсҳо, анҷуманҳо ва дигар маҷлисҳо баргузор мегардад. Дар маросими тантанавӣ журналистони боистеъдодро мукофот дода, ҳамкасбоне, ки дар нуқтаҳои доғ ба ҳалокат расидаанд, ёдовар мешаванд. Котиби масъули ИЖТ Пӯлод Нуров зикр намуд, ки дар мизи мудаввари мазкур, ки бахшида ба ин ҷашн баргузор мегардад, муҳаррирҳои нашрияҳо ва ҳамкасбони онҳо масъалаҳои муҳим ва ҳуқуқии ВАО Тоҷикистонро муҳокима мекунанд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






