ТАФТИШИ ЗАРАРИ ЗАРБАҲОИ ҲАВОИИ АМРИКО ДАР АФҒОНИСТОН
Кобул, 5 сентябр. (АМИТ «Ховар» — РБК.ру). — Намояндагии Созмони Милали Муттаҳид дар Афғонистон нисбати зарбаҳои ҳавоии қисмҳои ҳарбии Амрико ва НАТО дар Афғонистон изҳори ташвиши ҷиддӣ менамояд. Аз ҷумла, шабонарӯзи гузашта қисмҳои ҳарбии НАТО ба воситаи ҳавопаймоҳо дар деҳаи Умархейл дар наздикии сарҳади Тоҷикистон ду мошини сӯзишвориро ҳадафи зарба қарор доданд, ки онҳоро силоҳбадастони «Толибон» ғанимат гирифта буданд. Дар натиҷаи ин ҳуҷум камаш 90 нафар ҳалок шуд, ки 40 нафари онҳо сокинони маҳаллӣ мебошанд. Ба қавли муовини намояндаи махсуси СММ дар Афғонистон Питер Гелбрайт сабабу ҳолатҳои ин ҳуҷум бояд ҳамаҷониба тафтиш карда шавад. Вай қисмҳои ҳарбии Амрико ва НАТО — ро гунаҳкор намуд, ки мавҷудияти сокинони маҳаллиро ба назар нагирифта, маҳалҳои аҳолинишинро ҳадафи хуҷум қарор медиҳанд.
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Имрӯз дар баъзе минтақаҳои Тоҷикистон борон меборад
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
