ҒАЛАБАИ НАВБАТӢ

                Душанбе, 30 октябр. (АМИТ «Ховар», Пайрав Назаров). — Тавре АМИТ «Ховар» қаблан иттилоъ дода буд, дастаи яккачини Тоҷикистон оид ба футбол (наврасони то 19 сола), барои гирифтани роҳхат ба Чемпионати Осиё — 2010 дар шаҳри Катманду дар бозиҳои интихоботӣ иштирок дорад. Футболбозони наврас дар ду бозии аввал бо ҳисобҳои калони 4 : 0 ва 3 : 0 дастаҳои яккачини Қирғизистон ва Фаластинро мағлуб карда, дар бозии навбатӣ соҳибони майдон футболбозони кишвари Непалро бо ҳисоби 2 : 1 буриданд.                Айни ҳол дастаи футболи Тоҷикистон бо 9 имтиёз дар гурӯҳи «А» пешсафи мутлақ буда, барои гирифтани яке аз роҳхатҳо ба қисмати ниҳоии Чемпионати Осиё 2010 беҳтарин имкониятро доро мебошад.